影片
更多
2011-02-15
138 瀏覽
選擇食西餐…朋友一句話『要食肉』…咁吾鋸牛, 就諗到鋸豬…...要大杯酒啖啖肉的…不其然又想起德國菜;…之前數度去King Ludwig…今晚就黎到Biergarten, 有比較先定到高下, 亦有比較先有進步…周五晚6點多前來, 冇特別訂座…步落位於底層o既餐廳…基本上空空如也未有客…環境整潔大方…裝修別緻, 以木同玻璃為主要材料, 天花吊著歐式大燈…近入口一旁為水吧…圍邊都係舒適o既梳化位…卡座設計則以大圓啤酒木桶造型, 貼題又可愛!!...光線昏暗, 每檯放有小蠟燭, 氣氛寧靜帶點情調, 感覺脫離左外面繁忙又步伐急速o既世界, 連時間都好似慢左落黎…係可以適合拍拖或跟好友細嚼慢談o既好地方…先上桌有例牌一籃數片法包, 微温的…附獨立包裝小牛油…自選菜式如下:鮮蕃茄配意大利水牛芝士沙律…清甜爽嫩o既蕃茄配上厚厚o既一片水牛芝士, 加葉香草, 灑數滴黑醋同少少橄欖油...賣相討好之餘, 亦係口味清新o既一道前菜...德國肉腸拼盤…共有大小5款口味, 腸o既名我就講吾出咁多但真係5款都幾好味播, 較King Ludwig的出色…伴以青瓜同酸椰菜; 喜歡o既可以加D黃芥末…讚!!德國咸豬手
周五晚6點多前來, 冇特別訂座…步落位於底層o既餐廳…基本上空空如也未有客…環境整潔大方…裝修別緻, 以木同玻璃為主要材料, 天花吊著歐式大燈…近入口一旁為水吧…圍邊都係舒適o既梳化位…卡座設計則以大圓啤酒木桶造型, 貼題又可愛!!...光線昏暗, 每檯放有小蠟燭, 氣氛寧靜帶點情調, 感覺脫離左外面繁忙又步伐急速o既世界, 連時間都好似慢左落黎…係可以適合拍拖或跟好友細嚼慢談o既好地方…
先上桌有例牌一籃數片法包, 微温的…附獨立包裝小牛油…自選菜式如下:
鮮蕃茄配意大利水牛芝士沙律…清甜爽嫩o既蕃茄配上厚厚o既一片水牛芝士, 加葉香草, 灑數滴黑醋同少少橄欖油...賣相討好之餘, 亦係口味清新o既一道前菜...
德國肉腸拼盤…共有大小5款口味, 腸o既名我就講吾出咁多但真係5款都幾好味播, 較King Ludwig的出色…伴以青瓜同酸椰菜; 喜歡o既可以加D黃芥末…讚!!
德國咸豬手…即叫即烘, 寫明要30-45分鐘泡製的, 有時間吾怕等…皆因絕對值得!!...滿有期待, 大碟一上, 見到都興奮!!...已切好開件o既咸豬手, 外皮咬落卜卜嚮, 聲震全檯喎, !!...好脆又香口!!...但肉質又保持嫩潤, 咸度醃得剛好, 帶出肉香!! 一D油膩感都冇…肥??..吾覺啦!!...配菜則有大堆酸椰菜…仲有滑滑o既薯茸添…推介此味!!
連朋友叫o既德國黑啤(Happy hour)…全單+服務費共銀HK$479.-
張貼
