心裡有素 (已結業)

在網上見到消息話會結業(不知是真還是宣傳,因為見佢仲請緊人)，故此一試。晚餐$150一位限時100分鐘，好可惜確實係失望而回的。 首先佢地方比較細，細到跟本唔適合做自助餐。枱與枱之間嘅距離好窄，繁忙時間要搭枱在所難免。每次出入都困難。攞嘢食嘅地方喺人地張枱旁邊，每次拎嘢食都怕會撞到人。 食物方面，呢個價位，比起其他素食餐廳種類為少。可能地方細關係，只能放到大概20款食品，2款甜品，2款飲品。就係咁多了。間中職員會喺廚房拎啲出面冇放的食物分給客人，可能因為出面沒位置放吧。食物水準方面真的普普通通，冇乜邊款覺得特別好食。圖中可見到甜品並不吸引，如果想要雪糕，一定要like佢社交媒體網站先可獲得一份，故我地拒絕了。另外其他食評見到的焦糖燉蛋的甜品，是要加$10或加$20做VIP才有的。 同區另一間素食自助餐廳價錢比呢間還便宜，但食物種類多佢起碼一倍，亦比佢好食，亦唔需要加錢先有甜品。用餐期間不斷聽到其中一個男職員(疑似老闆)不斷叫人like佢社交媒體網站送雪糕，都幾煩厭。總之此素食餐館予人感覺不太真心(同佛心)。絕對不會再光顧了。