瑪麗蓮美國餐廳 (已搬遷) 新店位置

因為成日去佢隔離買美國零食，所以一早知佢D位窄，會撞手撞腳，所以黎得食就當然接受啦！一坐低，老闆娘就係餐牌，會即時推介！咁我就叫左個牛肩肉，本身想要七成熟，但老闆娘極力推薦五成熟，咁好啦，信你啦！廿秒唔夠沙津湯即到！沙津免提，湯，菇味濃，仲有蜆，不過太'傑'！時間岩岩好，飲完湯主菜即到！嘩！嘩！好大舊呀！睇落仲好正好好食！仲要有炭燒格仔，好靚呀，忍唔到影張相先！第一刀，oh no ，血流成河，變左血湯浸肉，五成？三成都無啦！叫老闆娘幫我中間開一刀再燒燒，佢話：你自己切啦，師傅唔知你想點切架！下！哦，咁自己切啦，因為把刀唔夠利，所以切到大細邊！好啦，等完再上台，細邊仲有小血，不過無問題，好濃牛味，個熟度岩岩好！所以ko左！到大邊，又出事，我又叫老闆娘黎，佢呢次好明顯唔耐煩；再熟就唔食得架啦喎！哦！ok！明哂！即時埋單！餐飲？唔洗客氣啦！早抖！以食物黎講，如果佢地比心機攪好個出餐品質，應該會唔錯，不過可惜...！