京林屋 (已搬遷) 新店位置

呢日去開銅鑼灣希慎，甘岩又有少少肚餓，同朋友搵個地方tea一tea，見到呢度好似幾吸引......門面幾「骨緻」下。坐低職員好快就送上清水同濕紙巾，職員亦都提醒每位都要有order的，不過就無限價錢，而且用膳時間係個半鐘。見「期間限定」menu好似幾吸引，甘就叫左個「香芒抹茶蛋糕配錦上之花(熱)」。等左一陣，職員就先送上「錦上之花」(綠茶)。職員好匆忙甘簡單介紹左等幾耐至飲，同點返沖，講得幾快下，我見反正有張紙俾我參考，就由佢。個茶唔算好吸引，比較普通，少少苦澀，亦唔算好香，失望。「香芒抹茶蛋糕」抹茶味唔太突出，隱約食到少少香芒味，口感亦唔算好細緻，雪糕表現平平穩穩。老老實實，就算明白銅鑼灣貴租，但點都好，百幾蚊食個甘細的tea都係有少少期望，但就真係有少少失望，服務方面亦好勉強叫ok，至於值唔值就真係見仁見智。兩個人食左二百幾蚊。