影片
更多
2018-12-15
380 瀏覽
點解會去食：2018-12-08 放工喺屋企附近覓食，試下另一間日本野，平時見都坐滿人，應該好食嘅！我地一行四人，無book 位，好彩仲有最後一張四人枱咋，其他全部俾人book 晒。食物新鮮程度：⭐⭐⭐⭐有個每日推介，指邊啲食材當日最新鮮，熱盤同刺身都有架。我地點左幾樣野：九州拉麵、黑蒜豚肉拉麵：兩碗拉麵麵質都好適中，唔太淋，唔太硬。豚肉好厚呀，啖啖肉好有口感。略嫌個黑蒜味唔夠出，可以濃少少。炸芝士年糕：新鮮炸，入面啲芝士少少流心feel，好rich 呀！年糕質地軟熟！正！左口魚邊壽司：好鮮甜，面頭火炙左啲，帶少少焦味，有趣有趣！鐵板千之瀧卷：焦香味嘅外層，比起唔鐵板嘅多左一層享受！入面係蝦黎嘅，夠大隻夠粗喎！煙肉蠔串燒：煙肉真香脆。但可惜係隻蠔好細隻...縮水縮到離晒大嫂...食物合適溫度：⭐⭐⭐⭐拉麵同炸物都好夠熱，新鮮即製！食物驚喜程度：⭐⭐⭐⭐鐵板千之瀧卷，第一次食「鐵板壽司」估唔到質感幾豐富喎。外面脆脆地，入面仍然係壽司，隻炸蝦又唔係好厚粉。成件事有口感得黎好味！—————————————————服務員態度：⭐⭐⭐⭐有禮物，勤力，又會推介當日時令食材。安排入座、清理枱面好迅速
點解會去食：
2018-12-08 放工喺屋企附近覓食，試下另一間日本野，平時見都坐滿人，應該好食嘅！我地一行四人，無book 位，好彩仲有最後一張四人枱咋，其他全部俾人book 晒。
食物新鮮程度：⭐⭐⭐⭐
有個每日推介，指邊啲食材當日最新鮮，熱盤同刺身都有架。我地點左幾樣野：
九州拉麵、黑蒜豚肉拉麵：兩碗拉麵麵質都好適中，唔太淋，唔太硬。豚肉好厚呀，啖啖肉好有口感。略嫌個黑蒜味唔夠出，可以濃少少。
炸芝士年糕：新鮮炸，入面啲芝士少少流心feel，好rich 呀！年糕質地軟熟！正！
左口魚邊壽司：好鮮甜，面頭火炙左啲，帶少少焦味，有趣有趣！
鐵板千之瀧卷：焦香味嘅外層，比起唔鐵板嘅多左一層享受！入面係蝦黎嘅，夠大隻夠粗喎！
煙肉蠔串燒：煙肉真香脆。但可惜係隻蠔好細隻...縮水縮到離晒大嫂...
食物合適溫度：⭐⭐⭐⭐
拉麵同炸物都好夠熱，新鮮即製！
食物驚喜程度：⭐⭐⭐⭐
鐵板千之瀧卷，第一次食「鐵板壽司」估唔到質感幾豐富喎。外面脆脆地，入面仍然係壽司，隻炸蝦又唔係好厚粉。成件事有口感得黎好味！
—————————————————
服務員態度：⭐⭐⭐⭐
有禮物，勤力，又會推介當日時令食材。安排入座、清理枱面好迅速。
—————————————————
最重要系。。。我會唔會再去？
重遊指數：⭐⭐⭐⭐⭐
張貼
