孖寶 (已結業)

見到食評咁多笑哈哈，又冇食過，心唸試試水，點知第一次食咁多湯既‘湯意粉’。個意粉仲要淡茂茂，一啲味道都冇。仲要用咁貴既價錢食咁難食既嘢（個麵好似仲$89蚊）咁點解唔走去食薩莉亞啲意粉？跟著仲叫咗個漢堡，普普通通冇乜特別，仲要落單落左一半個服務員走咗。🤣整體黎講：連西餐廳最基礎既嘢食都整得唔好味道：真係感覺到中嗮伏菜單：嘢食嘢飲選擇都算少性價比：性價比低，價錢同個嘢食味道完全唔符合，不如去隔離街個西餐廳，價錢差不多，嘢食味道就好好多。