初遇

營業中

休息中

今日路經見到初遇，見裝修乾淨企理，餐牌選擇多，所以入去食。三寶麵，牛筋牛腩牛肚都夠淋，麵有嚼勁挺不錯的，不過個人會喜歡軟番啲。醉雞卷，正常味道，酒味未算好入味，但都ok，肉嫰。芋泥酥，炸得好酥脆，芋頭有軟糯感，小小咸蛋黃但冇咸蛋味，正正常常。榨菜肉鬆蛋餅，呢個係最後一個黎，其實我已經食到好飽，但我居然都食到2件，我覺得呢個好食，好足料，雖然蛋餅冇蛋味，似墨西哥餅皮多啲，但榨菜肉鬆好ok。唯一較失望的是台灣奶茶，叫了小甜仍是很甜，而且冇乜茶味，淡色。連埋環境裝修整潔程度，整體算中規中矩，對得住個價錢。至於服務，舖頭冇收加一服務費，有人落單捧餐，有基本禮貌。