烏蠅館 (永榮樓) (裝修中)

👀今日去咗黃埔行Aeon後周圍搵嘢食，見到有間烤魚餐廳—烏蠅館門口嘅綠色招牌好吸引，即刻入咗去。入邊裝修好特別，兩邊都各有一個木櫃放晒杯仔，而天花就裝咗六至七盞風扇燈。主菜💯金湯海鱸魚用長方形嘅Gas爐裝住一條海鱸魚🐟，魚非常大條。可以叫最少辣。魚分開兩邊，魚皮炸過非常香脆，魚肉超滑可以一梳梳咁夾嚟大啖食；一條直骨一定唔怕啃骨。配料亦好足料，有兩款：木耳及金菇，索晒湯頭既味係好好食😋。之後加湯打邊爐好正。火鍋配料🟣豬腩片：滾幾分便食得，肉質軟身又重肉味。❣️海鮮拼盤：（海蝦、鮑魚、扇貝、魷魚翼、珊瑚蚌）每樣海鮮都好新鮮又彈牙，配上濃汁味道提鮮又好食。🟣滷牛筋：相對有咬口，但滷水味好濃。💡魷魚翼：食完海鮮拼盤特登encore,因為個魷魚翼同外面個款唔同，本身魷魚翼係細細隻，仲要全隻𠝹花，表面多左細位令佢火鍋時更易索味，而家口感係勁軟身。而家我多左句金句：火鍋魷魚翼，我鍾～意～食～