少爺18 (已結業)

好肚餓，行過見到呢間店，見唔使等位，就唔理，走咗入去了😂呢個係海南雞飯，隻雞嘅份量都幾多，每舊雞都煮得好嫩滑，雞皮唔會話連住好多肥膏，仲有三個醬俾你點嚟食，不錯不錯呢個油飯都不錯，好夠味，又香，啲飯濕濕地，容易入口第一次食肉骨茶，原來就係呢個味，第一啖嘅感覺係好補身，因為會食到少少藥材味，但係唔苦的，係甘甘地，我鐘意呢個係冬陰功湯，唔會話辣到飲唔到，酸酸地，又有少少椰香味，好開胃泰式生蝦，係虎蝦黎的，每個虎蝦上邊都會有一塊蒜頭，我會夾住塊蒜頭同埋舊蝦，跟住點個生蝦醬，成日都好想自己整到生蝦醬出嚟，但係真係好難整得似炒通菜，菜夠綠夠新鮮，食落爽口，調味唔會太咸，送飯一流蠔餅，係比較似煎蛋+蠔嘅質感，唔會話好脆，但蠔肉都幾多，差唔多每一啖都可以食到蠔，又有好香蛋味，個人覺得唔使點魚露食都得，點左就會太鹹，唔點都已經夠好食，可以食到蛋香味滷水三寶都唔錯，幾隻蛋的火㗋都做得好好，蛋黃唔會全熟，保留少少糖心嘅質感，滷水雞腳同豬手都炆得夠林，但係花生就太過軟身了，有少少偏粉。