拾壹麵 (已結業)

今日財政司派錢，雖然無我份,但係心情特別靚，心情靚唔係shopping就梗係搵好嘢食，於是約咗個好耐冇見嘅friend出來宵夜，佢話佢屋企附近開咗一間小店，啱晒我呢啲注重健康嘅人仕，我二話不說，就飛的過去去到見到果然係一間小店，座位不多，但裝修簡潔，有一種文青感覺，啱晒我呢啲偽文青我同朋友揀咗面壁的位置對住一幅文化磗，都幾有feel坐得舒服，白色嘅背景配上原木嘅顏色，光猛整潔，給人印象不錯然後看看餐牌，然後發覺佢價錢非常親民，兩餸配一種麵只係＄38，多款小食都只係20多元，仲有兩款自家製飲品，我哋每款order 了一杯，分別係洛神花茶同雪梨茶特別欣賞呢坏雪梨茶，滋潤解渴，個人即時潤返晒，皮膚都好似彈彈下然後叫了一碗豬膶、牛肉配讚崎烏冬，小食就揀咗酥炸墨魚丸Share 店員特別介紹，佢哋嘅湯底係絕無味精，而豬潤及牛肉係佢哋重點推介， 試落果然零舍唔同，牛肉好鮮味，而豬膶咬落去好爽，如果唔係新鮮一定冇呢個效果另外呢個炸墨魚丸，亦係水準之上，彈牙墨魚味足，想食到靚嘅咋墨魚丸，呢間係你嘅必然之選！出名八卦的我，埋單時問一問服務員，為何叫拾壹麵，原來因為佢哋有11款不同的面供選擇而11亦等於筷子