影片
更多
2022-01-18
37 瀏覽
疫情下又lockdown, WFH又成新常態。行過尖沙咀一帶嘆個早餐，幾條街都靜到鬼影都冇隻，鬧市下如此不勝唏噓無良政府下令晚市禁堂食又延續兩星期（為通關阻你做生意佢繼續開p理得你咩），路過加連威老道十室九空嘅環境下，搵到間以Hongkonger，黑白相間為主題嘅cafe, 見字飲啡Work from Cafe，又有啲料到💛𝐀𝐯𝐨𝐜𝐚𝐝𝐨, 𝐒𝐜𝐫𝐚𝐦𝐛𝐥𝐞𝐝 𝐄𝐠𝐠 𝐰𝐢𝐭𝐡 𝐇𝐨𝐦𝐞𝐦𝐚𝐝𝐞 𝐁𝐚𝐠𝐞𝐥, 𝐒𝐚𝐥𝐚𝐝 𝐦𝐢𝐱（𝐑𝐚𝐭𝐢𝐧𝐠: 𝟕.𝟒/𝟏𝟎) 素食選擇唔算多，都係waffle、soufflé pancake為主。不過想留quota飲佢啲咖啡就隨意叫咗份牛油果炒蛋bagel。賣相幾靚，甚至連伴碟嘅車厘茄都好用心彫花，Bagel係自家製，外皮烘得好脆。比較起一般bagel外型冇咁大個，不過口感外脆內有咬口，質感好實在唔空氣，不過要切開就要花上多啲氣力，個人認為烘得有點太脆，食耐咗有啲口乾🍴牛油果啱啱熟，加上由牛油烘過嘅bagel及炒蛋，牛油果會更軟身，食落比睇落去更滑，炒蛋難得唔油但唔老。主要靠黑椒調味冇咁單調，沙律菜份量算多。食過咁多牛油果蛋，呢個算健康，細細個bage
𝐀𝐯𝐨𝐜𝐚𝐝𝐨, 𝐒𝐜𝐫𝐚𝐦𝐛𝐥𝐞𝐝 𝐄𝐠𝐠 𝐰𝐢𝐭𝐡 𝐇𝐨𝐦𝐞𝐦𝐚𝐝𝐞 𝐁𝐚𝐠𝐞𝐥, 𝐒𝐚𝐥𝐚𝐝 𝐦𝐢𝐱（𝐑𝐚𝐭𝐢𝐧𝐠: 𝟕.𝟒/𝟏𝟎)
素食選擇唔算多，都係waffle、soufflé pancake為主。不過想留quota飲佢啲咖啡就隨意叫咗份牛油果炒蛋bagel。賣相幾靚，甚至連伴碟嘅車厘茄都好用心彫花，Bagel係自家製，外皮烘得好脆。比較起一般bagel外型冇咁大個，不過口感外脆內有咬口，質感好實在唔空氣，不過要切開就要花上多啲氣力，個人認為烘得有點太脆，食耐咗有啲口乾🍴牛油果啱啱熟，加上由牛油烘過嘅bagel及炒蛋，牛油果會更軟身，食落比睇落去更滑，炒蛋難得唔油但唔老。主要靠黑椒調味冇咁單調，沙律菜份量算多。食過咁多牛油果蛋，呢個算健康，細細個bagel估唔到都幾飽肚
牛油果炒蛋bagel
$58
1 瀏覽
0 讚好
0 留言
𝐎𝐚𝐭 𝐌𝐢𝐥𝐤 𝐋𝐚𝐭𝐭𝐞🌱(𝐑𝐚𝐭𝐢𝐧𝐠: 𝟖.𝟕/𝟏𝟎)
為咗配上哥倫比亞偏酸嘅咖啡豆嘅原始風味，店主表示植物奶只選燕麥奶。通常飲植物奶沖嘅咖啡，都係冇咩拉花：因為酸鹼度同埋本身嘅成分等因素，咖啡師都係求其拉個心或者驚seven索性唔拉花如果咖啡師願意植物奶咖啡拉花係勇氣，拉得靚就係稀有！燕麥奶咖啡唔甜，口感順滑。由於燕麥奶酸度唔高，奶泡維持得好持久，擺近半個鐘都唔會化除非你特登攪拌，否則飲每一啖，個拉花都仲喺度，高質。
Oat Latte
$48
1 瀏覽
0 讚好
0 留言
𝐂𝐨𝐨𝐥 𝐒𝐮𝐦𝐦𝐞𝐫 (𝐑𝐚𝐭𝐢𝐧𝐠: 𝟗.𝟎/𝟏𝟎)
檸檬乾、陳皮、菊花，加埋一齊煲中藥？非也。以呢三種材料再加梳打水特調，飲落竟然有啲似檸樂。不過比起可樂，呢個更加清新同輕負擔，甜度適中，轉熱飲就夠滋補，但凍飲就夠refresh，幾得意嘅一杯飲料。
Cool summer
$60
0 瀏覽
0 讚好
0 留言
𝐖𝐡𝐨𝐥𝐞 𝐌𝐢𝐥𝐤 𝐋𝐚𝐭𝐭𝐞 ☕️ (𝐑𝐚𝐭𝐢𝐧𝐠: 𝟖.𝟑/𝟏𝟎)
為咗想試真啲個分別，特登再order多杯正常latte試下，海馬拉花好靚！全脂奶無論奶香、奶泡、質感都明顯比燕麥奶版本rich好多，但乳糖加上酸性，拉花過一陣就明顯起氣泡影響美觀。不過亦因本身奶嘅乳糖，整體偏甜，同燕麥奶版本比較，whole milk份量重手咗(不過奶啡重奶是常識吧？），咖啡本身嘅味冇植物奶嗰杯咁突出。
Latte
$43
1 瀏覽
0 讚好
0 留言
除咗咖啡，見佢地都提供幾多坊間少見嘅beverage, cocktails, 包括以近期大熱嘅CBD入饌嘅都有幾款，路過嘆下tea飲杯咖啡，都幾悠閒，正襯街外人煙稀少⋯尋找一點生存空間
張貼
