i kitchen (已結業)

今日帶咗個客過嚟我哋平時食開嘅餐廳 呢度唔錯環境清靜，傾嘢又方便，地方算寬敞，我哋坐得好舒服。 我哋梗係嗌個飲品，凍檸茶同 蝶豆花梳打，味道正常， 大大杯，一陣間打卡同 吹水一流。 自家製朱古力心太軟伴雲呢拿雪糕，賣相相當療癒 ，女仔見仲邊有抵抗力☺香煎美式蟹肉餅伴香梨及田園沙律，清清地，蔬菜嘅配料種類又多，佢嘅美式蟹肉餅，又真係幾好味，而且仲有蟹肉粒添☺ 正餐，梗係食個 北海道帶子紅甜椒意大利飯， 意大利飯索曬湯汁 每一啖都好濃郁，帶子大隻又鮮甜，紅甜椒 有真係甜嘅，100分☺三文魚籽墨魚野菌墨魚汁意大利粉， 食完個咀真係少少黑咗，但飲番杯嘢即刻冇事 ，而且 佢嘅野菌汁口有留香。