潮福蒸氣石鍋 (已結業)

今日同女友家人食飯，作為未來女婿，梗係要顯示自己細心的一面啦！又要揀食得好，又要有體面，又要多精緻，係朋友推薦之下去左食潮福蒸氣石鍋！從來都未試過既我，一開頭都半信半疑，食過之後就知道真係冇介紹錯喎！今次就去咗好近女朋友住嘅地方西灣河食蒸氣石鍋，入到去坐低就有前菜俾你食，涼拌青瓜、雲耳、雞腳都唔錯！食嘢呢回事梗係搵返女朋友拍板啦，咁就一路等一路食，先來一個大閘蟹，係每人一個！大閘蟹鮮甜多膏啖啖都係膽固醇嘅朋友！之後再上嚟嘅就係烤到脆啵啵嘅乳鴿啦！乳鴨外脆內軟咬落口嘅油份充斥着成個口腔真係又香又鮮甜！之後上緊嘅仲有生蠔，蒸石煱生蠔真係非常鮮甜，配埋啲粉絲簡直就係一絕！除此之外仲叫咗好多酒樓嘅糕點點心，蒸熱左之後暖粒粒真係好好味！