牛魔王清湯腩咖喱專門店

營業中

休息中

香港地仲買新鮮🐮腩 有齊晒寶通牛腩 坑腩 爽腩 崩沙腩真係唔多既好耐冇過嚟 所以今次點左崩沙腩咖喱飯 先講佢嘅咖喱汁 係有得揀辣度🥵/🥵🥵/🥵🥵🥵 然後個汁係搞咗啲薯仔溶係入面 所以杰杰地 幾特別 跟住講牛腩 崩沙腩係半肥瘦 再黐住一啲白色膠喉部份（屬於爽腩，但又冇咁肥）所以肉質會好淋 好嫩 每一牛腩嘅肉質紋路分明 一絲一絲 分量都幾多 如果嘗試新鮮牛腩 呢一間係唔錯嘅選擇 當然就唔好睇價錢啦🤣飲品簡單叫咗杯凍奶茶走甜 中規中矩 正常發揮 牛腩先係重點