滿泰小廚

營業中

休息中

今日入咗西貢又去試新嘢，無咩頭緒之際，經過LEE間舖門口，睇見D相都OK咁喎，即管入去試下啦，最鐘意就係幫襯下D小店㗎喇！頭先話D相OK，就叫咗兩張相嘅食物先，人少少叫咗4樣啱啱好，只係無諗過一間泰國菜嘅舖頭，叫嘅全部係泰式菜，但係味道就唔係好泰式囉，真係有D失望。泰式鳳瓜：鳳瓜無咩味，個汁唔夠酸辣，成個味道分開咗。泰式炒椰菜苗：4個之中算唔錯，新鮮，炒得唔差，唔泰式，好家常嘅蒜蓉炒菜，不過，菜唔油膩我係鐘意嘅，純粹係個人口味，個人意見。泰式炒金邊粉：LEE個似茄汁炒金邊粉，一D都唔辣，唔通佢專登嘅。泰式雞肉飯：雞肉幾好，點雞嘅辣醬都好夠辣，不過個飯就無咩雞油嘅，唔係好香。