見見面 (打鼓嶺道)

營業中

休息中

又係引用蔡瀾嘅名句嘅時候，想知廚師做成點，俾隻雞蛋佢發揮，就會見真章。同樣地，如果一間餐廳係標榜自己係某個地方嘅菜式，咁只要睇吓佢最基本嗰道菜，就可以睇吓佢有冇真功夫。🍖川菜好簡單，擔擔面相信個個都食過。辣椒油麻醬做湯底，加埋肉末花生冬菜蔥花配合麵條，就係咁基本。香港其實好多餐廳都係就咁用花生醬撈埋啲辣醬就做好，其實味道都唔會差，不過，如果你試翻用麻醬做既味道，你就會知道有比較有傷害。成個面辣味夠，但唔會嗆喉，配合埋粗幼適中嘅麪條，而且非常足夠嘅肉末，每一啖簡單得嚟，都有足夠層次。🍖豆腐魚骨腩湯，米白色嘅湯底非常吸引，魚湯嘅香濃味道，一嚟我哋已經各飲兩碗，魚骨系令湯底鮮甜嘅精髓所在，入邊有大量嘅魚骨，證明餐廳真係物盡其用，唔放過任何一個將食材發揮得淋漓盡致嘅機會。入邊又有豆腐，啲魚骨令到本身已經好滑嘅豆腐，變得更加香滑，豆味同魚湯嘅味唔會互相搶去對方，所以成個湯咁大碗，我哋兩個人去到最後都差唔多飲晒。🍖跟住有兩個小炒，京蔥爆牛肉同埋同埋炒多仔菜。薄薄嘅牛肉，喺京蔥襯托之下特別鮮嫩，多仔菜係好少喺香港見到嘅品種，我上網查過原來非常健康，有好多種功能，味道都非常好，質地有啲似西餐嗰啲小椰菜