影片
更多
2020-02-21
5512 瀏覽
放完新年假，心情低落，響亞士厘道附近食晏，食開嗰兩間都未開門，見到呢間其實想試好耐嘅上樓日本野有開，望吓個Menu就膽粗粗入去試一試。佢中午只有三個餐可以揀$488, $688, $888. 點餐後，個壽司師傅誠意拳拳咁話配上清酒對佢嘅食物會好味好多，我考慮緊嘅時候再講多一次，再加上心情低落嘅關係，就話好啦。點左一支300ml久保田，點知雪櫃冇晒佢自己就攞咗佢枱頭嗰支，話即刻冰鎮好快可以飲到，其實我知冇可能不過見佢咁有誠意就算啦。到佢倒左第一杯之後即刻一杯而盡，即刻想吐出來，again, 嗰日真係好傷心，所以淨係想正整地咁食餐飯就算，好細聲同個女侍應講，話比佢知佢知就有問題，幫我取消咗佢。佢就走入吧枱同個壽司師傅講，個師傅竟然大聲咁話：「我支酒有問題冇可能」另外啲客人即刻望住我地，我就叫個師傅，「不如你試吓先啦」佢原本都唔肯試直到我對隊個杯俾佢，飲完佢自己大聲同個侍應講：「到咗佢快啲到咗佢，水嚟㗎」其實我諗住細細聲同師傅講係唔想你驚動你啲客人，但係咁樣係咪搞笑左先🤷🏾♂️隔咗2分鐘佢叫個侍應攞支720出嚟，到咗一杯仔俾我，係咁叫我試，我同好好聲氣佢講唔緊要，但係我真係唔想再飲酒啦。佢就
佢中午只有三個餐可以揀$488, $688, $888. 點餐後，個壽司師傅誠意拳拳咁話配上清酒對佢嘅食物會好味好多，我考慮緊嘅時候再講多一次，再加上心情低落嘅關係，就話好啦。
點左一支300ml久保田，點知雪櫃冇晒佢自己就攞咗佢枱頭嗰支，話即刻冰鎮好快可以飲到，其實我知冇可能不過見佢咁有誠意就算啦。
到佢倒左第一杯之後即刻一杯而盡，即刻想吐出來，again, 嗰日真係好傷心，所以淨係想正整地咁食餐飯就算，好細聲同個女侍應講，話比佢知佢知就有問題，幫我取消咗佢。佢就走入吧枱同個壽司師傅講，個師傅竟然大聲咁話：「我支酒有問題冇可能」另外啲客人即刻望住我地，我就叫個師傅，「不如你試吓先啦」佢原本都唔肯試直到我對隊個杯俾佢，飲完佢自己大聲同個侍應講：「到咗佢快啲到咗佢，水嚟㗎」
其實我諗住細細聲同師傅講係唔想你驚動你啲客人，但係咁樣係咪搞笑左先🤷🏾♂️
隔咗2分鐘佢叫個侍應攞支720出嚟，到咗一杯仔俾我，係咁叫我試，我同好好聲氣佢講唔緊要，但係我真係唔想再飲酒啦。佢就話「已經到咗出嚟，叫你試就試啦！」我見佢咁Q煩，快啲飲完就算，點知見佢起手將支大嘅sake，到落去嗰支到走左啲水嘅酒樽入邊：我就好堅決咁同佢講「我真係唔要啦，我真係唔想飲酒啦！」佢竟然好大聲咁同我講「你明明試咗冇問題㗎嘛，點可以咁樣取消！」
嗰一刻真係火都黎，我同佢講我唔識叫佢計返我條前菜幾多錢，我俾返佢！佢跟住好大聲咁講「我點知道嗰啲係水，我點知道果枝係sample，我已經換咗俾你，點解你咁無賴」
我充滿怒氣咁同佢講「呢一間唔係平價餐廳，我信得過你嘅食物同埋服務，我先信你介紹，但係你俾咗一支唔知裝住啲乜嘢水俾我飲，你竟然覺得咁樣冇問題」佢就淨係不停咁話唔知同埋唔關佢事最緊要佢係唔俾我就咁取消個餐！我又確實食咗佢個前菜，所以冇可能咁走咗去。佢仲要越鬧越勁，直到我拎起個電話出嚟拍佢，佢先即刻溫和左，先話免費支酒比我，痴撚線！直到我話報海關報食環署，佢個侍應先幫口道歉兼夾話唔使我錢，我先可以走。
臨走前我當然有同其他食客逐個道歉，始終係我嘅事影響佢哋嘅午餐。當我行到一半差唔多到門口嘅時候，個師傅竟然大聲講「Xxxxxxx, don’t ever come back again」我嗰一刻真係停咗一停，但係真係諗下，講多句都費事！
上網睇佢啲食物其實都有好多好評，我諗我呢個純粹係個別事件，但係咁嘅態度，幾好食甚至送口罩都吸引唔到我再去。
其實乜嘢國籍真係冇所謂，但係響度不停講少少日文同埋大量英文去話自己係日本師傅就係一個大問題，點知原來鬧人嘅時候普通話係最叻😤🤷🏾♂️
張貼
