三河屋 (已結業)

下雨天經過紅磡，即刻上OR睇吓有咩好嘢食。見三河好多reviews, 仲有特別推介鰻魚飯 (我的至愛)，咁就試吓啦。午飯時間特別多人，不過一位唔使等就入到去，大部份客都係學生，食緊拉麵同大阪燒。我就諗都唔諗即叫鰻魚飯，好快就出咗一個kelp miso soup. 熱辣辣非常吸引，可惜一飲就失望。因為鹹！鹹！鹹！完全飲唔到miso 的香，味道只得一個層次。唯有K.O.晒啲海帶，湯就唔好意思要浪費了。過咗一陣就出主角，大大碗鰻魚飯沒有什麼多餘的配菜，鋪上一層薄薄的unagi sauce，甜甜地又鹹鹹地，唔錯。鰻魚本身就好似有啲過冧，冇咬口 (大家口味唔同，有啲人係鍾意呢一種texture)，亦食唔出有grill的味道。本身個汁幾濃，蓋過了任何的鮮味。珍珠飯煮得適中，有咬口，加埋個汁好好味。不過個飯每樣野都微暖，我就希望可以熱番D會更好。呢個鰻魚飯普普通通，$88份量好足。不過我寧願俾多少少出尖沙咀食啲仲正宗嘅更物有所值。