鼎王麻辣鍋 (The LOHAS) (已結業)

姨仔係台灣粉絲，不過疫情之下想去都去唔到，當佢知道將軍澳開咗呢間台灣好出名嘅麻辣鍋後，就一定要我地陪佢嚟食，一解恩鄉之愁!間隔闊落、地方清潔，入到去印象分已經唔錯，職員非常有耐性慢慢講解各樣細節，兼且非常有禮貌，未食就合格，但當然食物水準先最重要!調味料有麻辣沾醬同酸菜沾醬自己揀!“鴛鴦鍋”一半係酸菜白肉鍋，一半係麻辣鍋，麻辣鍋嘅鴨血同豆腐都非常好味，仲要係無限添加，咁大個人食得最多鴨血就係今晚!“上選牛小排”因為火鍋多數配肥牛，今晚呢個牛小排較有咬口但唔韌，充滿牛味，不俗!“御選小羔羊”羊肉切得非常薄，一點羊騷味都冇，又好過食肥牛!“滷牛筋”夠哂淋身，放落湯底度一陣已經食得，濃濃的骨膠原感覺!“千層凍豆腐”較湯底內嘅豆腐更嫩滑，第一次食我已經愛上，就連平時唔食豆腐嘅太座都食咗好多舊，爭食也!當然唔可以冇食麻辣鍋我嘅至愛“午餐肉”啦，唔知點解總覺得係絕配，個人都食咗大半碟，哈哈!“鼎王烏梅汁”太座同姨仔話同酸梅湯差不多，開胃!我就叫咗將軍澳店限定嘅“翡翠檸檬”以綠茶作茶底，加上檸檬同薄荷葉，喜歡酸酸尾尾嘅朋友不妨一試!總體上係有水準嘅，唔怪得都坐無虛席，香港人就係咁識食，姨仔話同台灣味