喜泰味

營業中

休息中

今日父親去探索附近區域，然後來到麗閣商場。平時都比較少去長沙灣，今日見到呢個商場雖然唔係好大但係都幾靚，見到佢唔係好高。爸爸話佢以前呢度唔係咁，附近嘅屋村多有啲舊。依家地面戶外開咗幾間舖頭都幾型。今日我哋就去試下呢間泰國嘢。首先佢請我地食蝦片。食泰國嘢梗係要試下pad thai, 本人至愛。佢都有幾舊蝦，個味整得唔錯。佢仲有層蛋係表面嘅。其他我哋仲叫咗一個蝦餅。呢個佢雖然寫三件，但係其實佢每件切開咗一半所以總共係有六件， 突然之間覺得都幾抵食。我哋每人食咗三件其實都好多。仲叫左馬拉盞炒通菜，兩個人平均每人百幾蚊。食完就去商場入面行下。佢入面都係食肆。多都有啲連鎖嘅食肆。其他嘢就比較少。都會有電器鋪 不過冷氣就比較凍，不過新開嘅商場都值得兜個圈。下次再去揾下呢度其他餐廳食。