i kitchen (已結業)

今次後到觀塘覓食，觀塘多野食就筆嬲都知，呢間隱身係工廈既西餐廳都真係好出色。我地叫佐勁多野食！首先係香煎美式蟹肉餅伴香梨及田園沙律🈵呢一個真係好出色，好多西餐廳嘅蟹餅其實都好細塊或者冇乜蟹肉，好唔抵，但呢度好唔同，蟹餅好大嚿好厚，炸到金黃香脆，切開真係每一啖都係食都有蟹肉喺度，而且再伴埋香梨同埋沙律嚟食，完全唔會覺得滯，超級好食！然後就係澳洲穀飼牛肉眼配松露燒汁✅呢個牛扒真係好厚好大嚿，超級足料，而且係煎得啱啱熟，切開會望到粉嫩色嘅牛肉，完全唔會覺得鞋口，牛肉好林身好好味，再點埋松露燒汁更加香，味道更加突出。我地之後再叫多一個主食，龍蝦海鮮意大利粉🆒依個又係相當吸睛，龍蝦係一大隻開邊，之後仲有魷魚仔同埋青口，依啲海鮮全部用白酒煮過，所以味道好出，好鮮味，又新鮮，意粉都吸晒海鮮嘅鹹鮮味，好香又唔會太林身，所以真係好好食。跟住就到甜品，自家製朱古力心太軟伴雲呢拿雪糕♥️鍾意食心太軟嘅真係唔可以錯過，朱古力心太軟真係整得好好，好流心，而且好濃朱古力味，再加埋凍冰冰嘅雲呢拿雪糕，一熱一凍，口感好好，超好食。最後試埋飲品玫瑰士多啤梨鮮奶🆙好濃玫瑰味，士多啤梨味又唔會太甜，加埋鮮奶，好creamy好