Hooters (已結業)

今次周年慶祝紀念，諗住俾個驚喜男朋友，於是就book咗嚟呢間餐廳。因為呢度出晒名有好多身材好好嘅侍應，等佢攞正牌大飽眼福。今次嚟到試咗Hooters 最出名嘅炸雞翼丶水牛城炸蝦同漢堡包。炸雞翼果然名不虛傳，當佢配上雞翼醬汁(Hot、BBQ、田園醬汁Dressing) ，三種將各有各風味唔同，而我最鍾意嘅就係田園醬汁，因為相對起嚟比較少地方會食得到啲咁清新口味嘅炸雞翼。而佢嘅炸蝦真係非常之新鮮同大隻，將佢點埋啲雞翼醬汁嚟食，簡直係perfect match。性價比超高。佢嘅漢堡包雖然唔係好大個，但係佢嘅肉汁非常之多，而包都都非常之香口。佢嘅無酒精cocktail,款式亦都非常之多同好足料。