影片
更多
2018-07-26
50 瀏覽
第一次食主打炸天婦羅既廚師發辦，當然要叫個可以食齊既餐啦。頭盤就黎左個海膽配日本冬瓜，非常鮮甜清新既配搭，做頭盤一絕。跟住既北海道白粟米清甜爽脆，白螺鮮味無比，鴨胸配上微酸既芥末籽醬，無羶味又開胃。再黎既係稱得上上湯既鮑魚清湯。爽口既池魚同新鮮肥美、油份十足既拖羅。第一道天婦羅就係最常見既天婦羅蝦-花竹蝦天婦羅，師傅將蝦身同頭分開炸，炸得好酥脆，成個頭都食得。第二個-目光魚天婦羅，外脆內軟食落魚味溢出。第三道，紅衫魚天婦羅。淋上海膽汁，下面乾烤冬菇片做底，整個配搭味道濃郁，口感層次十足。最後係大蜆天婦羅，整係殼都沾有炸粉，一打開就聞到冬茹同芫茜既香味。另外不得不提，佢地既天婦羅佐料好花心思，有好特別既海澡鹽和芥末鹽之外，仲有由兩種日本蘿蔔磨成既蘿蔔蓉。天婦羅之後既合肴係味噌煮茄子，以偏咸既麵豉醬煮得軟腍，惹味而富層次感。呢個最唔同既就係有日本和牛。一次可以食到兩種牛肉－熊本牛柳＆宮崎牛肩肉。牛柳燒到剛剛好，口感嫩滑，牛肩肉既肉質幼嫩，配上甜味的既燒汁，帶陣陣油脂香而不油膩，連個配角白舞茸都好正。梅素麵，配上梅冰同炸紫蘇葉，冰填既口感，一解天婦羅同肉既油膩。甜品係炸鹿兒島蕃薯，連皮沾上白
頭盤就黎左個海膽配日本冬瓜，非常鮮甜清新既配搭，做頭盤一絕。跟住既北海道白粟米清甜爽脆，白螺鮮味無比，鴨胸配上微酸既芥末籽醬，無羶味又開胃。再黎既係稱得上上湯既鮑魚清湯。
爽口既池魚同新鮮肥美、油份十足既拖羅。
第一道天婦羅就係最常見既天婦羅蝦-花竹蝦天婦羅，師傅將蝦身同頭分開炸，炸得好酥脆，成個頭都食得。第二個-目光魚天婦羅，外脆內軟食落魚味溢出。第三道，紅衫魚天婦羅。淋上海膽汁，下面乾烤冬菇片做底，整個配搭味道濃郁，口感層次十足。最後係大蜆天婦羅，整係殼都沾有炸粉，一打開就聞到冬茹同芫茜既香味。
另外不得不提，佢地既天婦羅佐料好花心思，有好特別既海澡鹽和芥末鹽之外，仲有由兩種日本蘿蔔磨成既蘿蔔蓉。
天婦羅之後既合肴係味噌煮茄子，以偏咸既麵豉醬煮得軟腍，惹味而富層次感。
呢個[極]最唔同既就係有日本和牛。一次可以食到兩種牛肉－熊本牛柳＆宮崎牛肩肉。牛柳燒到剛剛好，口感嫩滑，牛肩肉既肉質幼嫩，配上甜味的既燒汁，帶陣陣油脂香而不油膩，連個配角白舞茸都好正。
梅素麵，配上梅冰同炸紫蘇葉，冰填既口感，一解天婦羅同肉既油膩。
甜品係炸鹿兒島蕃薯，連皮沾上白蘭地加砂糖，口感味道出乎意料之外。
張貼
