影片
更多
2020-12-27
1123 瀏覽
碧綠脆瓜北寄貝 $138北寄貝非常新鮮爽口彈牙，青瓜鮮甜爽脆！佢嘅醬汁少少麻同少少辣，唔好辣嘅人都應該好鍾意食，作為開胃菜一流。夫妻肺片$108聽就聽得多，都係第一次食。牛展切到好薄，然後配上佢秘製嘅麻辣醬汁，另外仲有手肚，每一口都好爽口，一啲內臟嘅怪味都冇，好好食。酸菜桂魚 $428呢一個酸菜桂魚睇落去好似唔太辣，原來食落去係好辣！不愧為專做蜀菜嘅餐廳。啲桂魚份量好多，而且肉質鮮甜，配菜仲有芽菜，酸菜等等。由於個醬汁非常香濃，所以肥妹仔特登叫咗一碗白飯嚟食。酸菜血旺$168酸菜血旺即係酸菜鴨血，但係佢個名好好聽。佢嘅鴨血同我一般食開嘅鴨血好唔同，佢係好嫩滑，入口即溶，超級好食。泡椒蒜香開件龍蝦 $488佢嘅龍蝦應該係澳洲龍蝦，超級大隻！佢嗰醬雖然話係泡椒味，但係有少少甜甜酸酸，似泡椒溝埋甜酸醬。而佢嘅蒜味亦都非常之濃郁，直頭食到一粒粒蒜粒。龍蝦肉非常爽口彈牙，佢泡咗油再同個汁一齊煮，每食一啖都非常滋味。煎焗花椒膏蟹 $680呢一場簡直就係海鮮同埋花椒嘅盛宴呀！呢一隻膏蟹先唔講佢非常之肥美，啲膏爆出嚟！就講佢啲花椒，應該將佢煉成油，然後每一口蟹肉都浸在花椒油中，食落去個嘴唇係又麻又辣，
碧綠脆瓜北寄貝 $138北寄貝非常新鮮爽口彈牙，青瓜鮮甜爽脆！佢嘅醬汁少少麻同少少辣，唔好辣嘅人都應該好鍾意食，作為開胃菜一流。
夫妻肺片$108聽就聽得多，都係第一次食。牛展切到好薄，然後配上佢秘製嘅麻辣醬汁，另外仲有手肚，每一口都好爽口，一啲內臟嘅怪味都冇，好好食。
酸菜桂魚 $428呢一個酸菜桂魚睇落去好似唔太辣，原來食落去係好辣！不愧為專做蜀菜嘅餐廳。啲桂魚份量好多，而且肉質鮮甜，配菜仲有芽菜，酸菜等等。由於個醬汁非常香濃，所以肥妹仔特登叫咗一碗白飯嚟食。
酸菜血旺$168酸菜血旺即係酸菜鴨血，但係佢個名好好聽。佢嘅鴨血同我一般食開嘅鴨血好唔同，佢係好嫩滑，入口即溶，超級好食。
泡椒蒜香開件龍蝦 $488佢嘅龍蝦應該係澳洲龍蝦，超級大隻！佢嗰醬雖然話係泡椒味，但係有少少甜甜酸酸，似泡椒溝埋甜酸醬。而佢嘅蒜味亦都非常之濃郁，直頭食到一粒粒蒜粒。龍蝦肉非常爽口彈牙，佢泡咗油再同個汁一齊煮，每食一啖都非常滋味。
煎焗花椒膏蟹 $680呢一場簡直就係海鮮同埋花椒嘅盛宴呀！呢一隻膏蟹先唔講佢非常之肥美，啲膏爆出嚟！就講佢啲花椒，應該將佢煉成油，然後每一口蟹肉都浸在花椒油中，食落去個嘴唇係又麻又辣，好似比蟻咬咁，非常刺激。
香烤牛肋骨 $498呢一間餐廳比到我嘅驚喜真係一浪接一浪，佢嘅牛肋骨一上枱係連骨帶盤咁上，非常之震撼同壯觀。牛肋骨肉質鮮嫩，而且味道香濃，係咁多樣菜式入邊唯一一樣唔辣嘅菜式。再配埋孜然粉俾你點，超級好食。
雷沙湯丸$58最後用雷沙湯丸作為呢一餐嘅完結，非常完美。
張貼
