新沙洞澡堂 (已結業)

以韓式澡堂的長沙灣餐廳，縱使已開業一段時間依然門庭若市，好多食客排隊打卡，尤其是餐廳的皇牌打卡位　—　韓式澡堂，的確係幾正的。幾盞鬼的韓式澡堂。食物方面，我同朋友都叫咗幾款經典韓國菜式，有雪花芝士炸雞、韓式牛肉拌飯、辣炒年糕豆腐湯、炸韓國午餐肉條。雪花芝士炸雞新鮮即炸即食，所以口感香脆無比，入面啲雞肉仲好juicy，讚！辣炒年糕豆腐湯湯品較稀身，味道上欠缺層次。韓式牛肉拌飯Classic拌飯無得輸。炸韓國午餐肉條邪惡又香口，無法抵抗午餐肉的魅力，餐廳更將午餐肉炸得香脆，再用番呢款韓式午餐的罐罐裝番，賣相好正！雪嶽山酸酸甜甜幾fresh，打卡一流。