新寧餐廳

營業中

休息中

同肥髀玩咗一日！差不多九點搵地方食飯！見呢度有個懷舊甜品--「火焰雪山」！我自己都未食過！所以就上去食！無訂位！要等四張枱！大約等十分鐘就有位！室內環境幾暗！我們任最近門口四人枱！雖然滿坐！都唔會好嘈！為了留肚食「火焰雪山」！我只叫一個田螺套餐（$198）！（我叫嘅都係招牌菜）有焗田螺半打--田螺肉大大粒！沾滿香草醬！配薯茸一流！配埋專食田螺嘅夾同叉！（不過都唔容易用）忌廉磨菇湯--忌廉唔算香濃！少少浠！但好多磨菇肉（雖然係罐頭磨菇）！仲有三款麵包任選（甜餐包、法包及麥包）最緊要夠熱西冷牛扒--我要五成熟！上枱賣相好靚！無得揀醬汁（唔知係無得揀，侍應無問過我）應該係燒汁！甜甜地！少少咸香！配牛扒幾好！可惜塊扒五成熟都較硬同嚡！有點失望！伴碟嘅係蜜糖豆！紅蘿蔔及薯條！都ok!熱檸茶--比較驚喜嘅係用壺上茶！感覺即刻高級咗！味道正常！今晚嘅主角當然係「火焰雪山」！上枱即刻吸引附近食客眼光！尤其著火嗰下！藍色嘅火光响暗暗嘅餐廳特別搶眼！燒完啲外層忌廉少少焦黑！坦白講！味道一般！酒味好濃！我同肥髀都無食外層忌廉！底層蛋糕底較乾身！係中間雲尼拿雪榚好味！just for fun!服務唔錯！個個侍