MUM 日常野菜料理 (已結業)

之前同朋友上網搵素食,見到呢間,不過朋友唔中意喺food court食,所以無揀到.早幾日,咁啱喺佐敦,咪行去睇吓.間食肆喺酒店地庫, food court內有其他食肆都幾吸引,繞了一圈,再睇返呢間 menu同出餐時嘅食物,因為少食日式素食,都係試呢間.點了三項: 昆布汁煮蓮藕, 蘿蔔冬菇關東煮, 同埋 芝麻菠菜職員收款後比了個出餐通知牌我,以為會等好耐,又唔係喎,好快個牌已經響起.幾欣賞日式食物的視覺藝術,一堆啡糸上加啲白色作點綴,講嘅係–昆布蓮藕上灑上芝麻.昆布汁其實係咩味?真係唔知,只能講無腥味.呢道菜式味道夠清. 昆布唔係太軟同蓮藕的硬度好夾. 關東煮又係視覺上令人開心的.但係冬菇上的味粉令我吃不消,由於沒有留意它的份量,沒有沖走味粉. 之後我都有用關東煮的湯沖沖其他沾上味粉的.這原本好好的一味關東煮令我有介心地食下去,點解要咁多味粉呢?而我都為呢餐再加色彩,就係嗰項菠菜. “芝麻菠菜”,但芝麻好似唔夠昆布上多噃!這裡走日式料理路線,感覺飯唔似用日本米.聽說溝米水份難控制,唔知係咪咁呢?平時跟餐嘅湯都細細碗,呢度唔係喎,而且有料,只係味道一般.