影片
更多
2016-09-11
62 瀏覽
第一個靚係比店主。店主係韓國型男，極高大，眼神溫柔，笑容溫暖。經過門口，已經比佢既笑容融化左。第二個靚比裝修格調。門面窄窄，但感覺好跳脫，入到去粉紅色為主，配彩色系傢私，好繽紛。第三個靚比店員。除左店主係韓國型男，原來唯一一個店員都係靚靚韓妹，眼大大皮膚白白，仲有無敵長腿無得輸。第四個靚比menu，menu上面大部分食物都有相片參考，大大增加食慾。最黎一個靚先係比食物 食物係靚！靚！靚！我地共試左三款食物：Melon Snow Ice, Chocolate Cake, Strawberry Shake.《Melon Snow Ice》呢個真係好壯觀，店主用原隻蜜瓜上碟，個甜品大過我個頭，影下相呃like一流！店主會挖空果肉，放入椰汁味既刨冰，再將挖出黎既蜜瓜球疊上面，配朱古力醬，中間插一條蜜瓜味既韓國熱賣雪條，成件事誠意十足。蜜瓜好新鮮，質地爽滑，香味濃，十分香甜。椰汁冰打到好幼細，清涼透心，唔太甜無搶到主角既風頭。中間既蜜瓜味雪條亦係我飛佛，完美甘配搭返個蜜瓜冰，真有諗頭。呢款甜品原來係鎮店之寶。睇到已經好激動，食落更興奮！《Chocolate Cake》呢款朱古力蛋糕係自家制既，外
第二個靚比裝修格調。門面窄窄，但感覺好跳脫，入到去粉紅色為主，配彩色系傢私，好繽紛。
第三個靚比店員。除左店主係韓國型男，原來唯一一個店員都係靚靚韓妹，眼大大皮膚白白，仲有無敵長腿無得輸。第四個靚比menu，menu上面大部分食物都有相片參考，大大增加食慾。
最黎一個靚先係比食物 食物係靚！靚！靚！我地共試左三款食物：Melon Snow Ice, Chocolate Cake, Strawberry Shake.
Melon Snow Ice
$110
13 瀏覽
0 讚好
0 留言
Melon Snow Ice
$110
7 瀏覽
0 讚好
0 留言
Melon Snow Ice
$110
2 瀏覽
0 讚好
0 留言
呢個真係好壯觀，店主用原隻蜜瓜上碟，個甜品大過我個頭，影下相呃like一流！店主會挖空果肉，放入椰汁味既刨冰，再將挖出黎既蜜瓜球疊上面，配朱古力醬，中間插一條蜜瓜味既韓國熱賣雪條，成件事誠意十足。蜜瓜好新鮮，質地爽滑，香味濃，十分香甜。椰汁冰打到好幼細，清涼透心，唔太甜無搶到主角既風頭。中間既蜜瓜味雪條亦係我飛佛，完美甘配搭返個蜜瓜冰，真有諗頭。呢款甜品原來係鎮店之寶。睇到已經好激動，食落更興奮！
Chocolate Cake
$32
6 瀏覽
0 讚好
0 留言
呢款朱古力蛋糕係自家制既，外型相對沈實。係原來內裡都有驚喜，朱古力味非常香濃，唔太甜仲有少少甘。質地都好幼滑，好均勻。餅底薄薄一層，好實淨。
Strawberry Shake
$69
7 瀏覽
0 讚好
0 留言
媽咪果日話想叫杯野飲，無估到原來一杯野飲都甘大陣仗，都係一款精緻既甜品。底層啖啖士多啤梨果肉，中間先係奶昔，頂層有一球士多啤梨雪糕，配上幾款朱古力餅。最治療既係，店主竟然幫個雪糕加上笑臉，好溫馨。士多啤梨果肉同奶昔比例剛好，令到口感無甘單調，味道既會比較有層次。呢款飲品可算係十分有創意。
三款甜品共二百蚊左右，價錢唔算非常吸引，但整個下午都會因為呢兩百蚊已變得更美好。食甜品，味道固然係重點，佢地都做得好好。但一間甜品小店，能令你視覺味覺都有同等享受，實在值得支持。
張貼
