影片
更多
2023-06-04
56 瀏覽
最近朋友推薦左呢一間創意炭燒料理餐廳「焰 」🔥 一入到去就見到”熊熊烈火”，因為每張枱都有唔同顏色嘅火焰效果，像真度高，打卡一流！我哋揀咗Dinner Set B ($980 p.p. )，師傅會席前料理，可以欣賞到師傅技藝及互相交流。牛肉都會選用岩手縣黑毛和牛，肉味同肉質都有一定保證！日替精選前菜三品 第一道菜已經有互動嘅元素！店員會先奉上裝滿前菜嘅木盒，色彩繽紛！店員逐一介紹後，就可以挑選三款前菜！每款都好吸引，揀咗煙燻鯖魚、赤身及鮟鱇魚肝，每款都有配搭，味道有驚喜！季節刺身三點是日刺身有油甘魚、牡丹蝦及吞拿魚，每款都有兩大遍，份量慷慨，用料都非常新鮮！不過呢個拼盤最大嘅特色就係用上「玻璃魚缸」去盛載，而且真係有一條金魚喺度游緊水，玩味十足！廚師精選頭盤 是日精選頭盤係火炙和牛刺身配水菜沙律。和牛火炙後逼出油香，入口即溶，水菜沙律好新鮮，不過沙律醬我就覺得有點畫蛇添足。煎帆立貝配冷壓魚子 帆立貝好厚肉，肉質鮮嫩。而豉油就化身為珠珠，加入分子料理嘅元素。鵝肝茶碗蒸 分子料理茶碗蒸，你食過未？呢個茶碗蒸分子料理嘅手法製成，口感偏流質，入面仲有煎鵝肝粒！不過傳統嘅茶碗蒸蛋會突出d😅之後就
我哋揀咗Dinner Set B ($980 p.p. )，師傅會席前料理，可以欣賞到師傅技藝及互相交流。牛肉都會選用岩手縣黑毛和牛，肉味同肉質都有一定保證！
日替精選前菜三品
第一道菜已經有互動嘅元素！店員會先奉上裝滿前菜嘅木盒，色彩繽紛！店員逐一介紹後，就可以挑選三款前菜！每款都好吸引，揀咗煙燻鯖魚、赤身及鮟鱇魚肝，每款都有配搭，味道有驚喜！
季節刺身三點
是日刺身有油甘魚、牡丹蝦及吞拿魚，每款都有兩大遍，份量慷慨，用料都非常新鮮！不過呢個拼盤最大嘅特色就係用上「玻璃魚缸」去盛載，而且真係有一條金魚喺度游緊水，玩味十足！
廚師精選頭盤
是日精選頭盤係火炙和牛刺身配水菜沙律。和牛火炙後逼出油香，入口即溶，水菜沙律好新鮮，不過沙律醬我就覺得有點畫蛇添足。
煎帆立貝配冷壓魚子
帆立貝好厚肉，肉質鮮嫩。而豉油就化身為珠珠，加入分子料理嘅元素。
鵝肝茶碗蒸
分子料理茶碗蒸，你食過未？呢個茶碗蒸分子料理嘅手法製成，口感偏流質，入面仲有煎鵝肝粒！不過傳統嘅茶碗蒸蛋會突出d😅
之後就到牛肉出場啦！
紫蘇二重燒牛肉卷
呢個牛肉卷材料豐富，一啖有齊和牛他他、炭燒牛小排及紫蘇漬物！牛肉肉味香濃，帶淡淡紫蘇葉香。
炭薰牛舌芯
師傅燒香牛舌芯後，直接將成舊炭放上牛舌表面，再薰香一陣。原來咁樣做可以大大增加炭火香！牛舌芯口感好彈牙，有梅子鹽、綠茶鹽、wasabi、芥末醬四款配搭，各有特色。
A5 黑毛和牛酒香壽喜燒
A5 黑毛和牛係牛中極品，油脂密佈，師傅燒烤嘅時候再加入白蘭地。唔單止有火焰效果，視覺效果滿分，牛肉仲有酒香，正！配菜有娃娃菜、豆腐、芋絲、冬菇及南瓜，配甜甜嘅壽喜燒汁，好快清晒！
A5 黑毛和牛粒
和牛肉質juicy ，入口即溶，師傅再刨上鹹香嘅烏魚子係牛肉上面，味道更有層次！
慢煮安格斯封門柳飯 / 梅子冷素面
強烈推薦慢煮安格斯封門柳飯，份量實在太慷慨！賣相仲好靚！封門柳肉質軟腍，邊邊位燒至焦香，牛魔王必食😂
甜品
甜品都好豐富呀！有兩款選擇，我揀咗日本蜜瓜配上開心果雪糕，日本蜜瓜香甜多汁，手工雪糕味道濃郁，好滿足嘅一餐！
張貼
