粵藝館 (海運大廈)

營業中

休息中

星期六難得放假就帶左屋企人去位於海港城的新開張粵藝館食野。餐廳的裝修以緋紅色及香檳金為主調，配以木調同配素色的日式擺設進行佈置，古今交融，結合日式與現代設計元素。粵藝館毗鄰尖沙咀天星碼頭，係度進餐可以將維港海景盡入眼簾， 絕對係視覺味覺的享受。無花果咕嚕肉 -無花果既酸甜比較清甜，無一般既菠蘿咁酸。咕嚕肉炸得酥脆，外脆內軟。參蜜焦香叉燒 - 叉燒顏色鮮艷潤澤，又有陣陣叉燒香，軟滑鬆化滿蜜香，真係色香味俱全。香煎原味蘿蔔糕 - 外酥內嫩，仲有蘿蔔的甘甜，加上微微鹹香的調味，味道不錯。鮑魚燒賣 - 鮑魚煮到入味唔會乾，燒賣香嫩彈牙，值得一試。避風塘蝦餃 - 蝦餃味道鮮美爽滑，美味可口。即拉腸粉 -腸粉好有米香，粉皮薄適中，入口好滑溜。瓦罉啫啫唐生菜 - 一上枱香氣撲鼻，唐生菜爽甜不澀。鰹魚花醉鮑魚 - 鮑魚非常入味，酒味芳郁，鮑魚爽滑彈牙，一吃回味。