Wheatfield X 羅宋湯專門店 (東薈城) (已結業)

上年朋友介紹去旺角分店食，食過佢哋嘅湯麵餐！今日星期三入去東涌行街，一於再入去試吓其他食物，我食西餐都一定選配羅宋湯，而佢哋嘅午餐全部均配有細份餐湯！正！我今次幫襯嘅係女侍應極力推薦的串牛套餐，由於女侍應說該店租约期滿，叫我不妨試下佢哋嘅特式菜！羅宋湯，凍檸檬茶，加一碟有2大件牛柳的午餐，只賣$158，心唸咁抵，味道唔會有太大驚喜！誰不知，上菜後見到好大份，我又問那位穿灰色風衣的女侍應，她說這是8安士份量！跟她們以前經營的樓上西餐廳Wheatfield Kitchen當年所售賣的一樣！串燒牛柳切落去，非常鮮嫰，食落口，那味道非常特別！除有燒烤味，更吃到肉質鮮味！埋單時，那女侍應好友善的說：有興趣可去其他分店，繼續支持他們！今日午餐價錢真心感到非常合理，而且那位女侍應由招待到介紹食物以及收銀，她均給我非常親切的態度！現今食店好少感受到的服務態度！所以我問她之後會去那兒工作，想看看有冇機會再見佢？她微笑答我：她平常會去不同分店工作，希望有缘再見！補充返：他們的招牌羅宋湯，味道好濃口，本人覺得味道比較經典(即80年代的)，而且有充足蔬菜，牛腩又幾淋身！大家不妨可以去試下！