好媽媽台灣館 (已結業)

聽人講我屋企附近新開左間台式小店叫好媽媽，個名有啲娘，但原來裏面裝修都幾用心，又有卡通化既裝飾，未食都已經開胃左。 本Menu既照片同枱上既介紹都好吸引，樣樣都想食， 幾勁同同行者爭拗，終於有左結果。 佢一定要食既係皮蛋豆腐。皮蛋係切碎左了，與蕃茄碎灑在落原盒豆腐上。就算只有淡淡豆味既豆腐都變得復雜。 朋友點了香芋珍珠少甜，雖然係少甜，都好夠濃郁，珠珍唔會太淋。 我唔鍾意食生果味飲品又唔想飲奶茶咖啡，所以叫的冬瓜茶都叫了少甜，係淡淡的，但都好幽香，唔洗成日點埋啲奶類製品肥死啦～ 想借問聲，如果唔食大腸麵線點叫食台灣野先！依度既麵線除左有大件而乾淨既麵線之外，仲有超新鮮既蠔仔，蠔仔乾淨同蠔身仲脹卜卜添！麵線夠一條條完整，唔會“畢畢”下，越來越“希”。 不如來個菜品，台灣人興食高麗菜，依度有得選培根或櫻花蝦炒，我們選了櫻花蝦版本，佢哋蝦仔細細，但令菜添了不少海鮮味！ 麻油雞，感覺係一樣好滋補既菜式，因為用上炖既方法製作，麻油味唔會太重，唔會有肥膩感，雞件都算新鮮，雞件就算係包住麻油，都不失雞既香味。 雖然大家對台式野未必有日本野韓國野咁大瘾，但耐唔耐都想