Sky House (已結業)

約了友人到福來邨搵好野食，估唔到俾我地搵到間窗明几淨的西餐廳，裝修得簡約，而且地點都方便。由於過了高峰的午餐時間，所以不多人，靜謐的環境配上音樂的播放，營造了悠閒的感覺。餐單上都是以西式食物為主，set lunch的價錢都算親和，不會太貴，雖然都會再收加一。鮮蘆筍蕃茄帶子意粉（$75）意粉的份量都算多，沾滿了均勻的蕃茄醬，賣相吸引，蘆筍的份量都多，綠色點綴了一碟，增加了清新感。食了一啖，蕃茄的味道不會太濃也不油膩，意粉軟硬剛好。帶子質感帶爽，表面稍微煎香值得加分。烤大傘菇，兩隻菇都好大隻，挑選的大傘菇夠爽甜，加上酸酸的蕃茄絕對是開胃之選。平時都是食慣芝士煙肉做配料，想不到用蕃茄能有另一種風味。餐廳有花茶作為餐飲，仲樂意幫你refil熱水，慢慢嘆番茶，和友人開心談天，咁就渡過了半天美好的時光。