M Zone 親和藝術 (已結業)

約左朋友仔happy hour，點知佢又要ot，唯有邊食邊等佢，好在我聰明，識得揀有得食嘅餐廳酒吧。好，坐低睇吓有咩好食先。雜菜湯蒜蓉包，蒜蓉包咬落係脆嘅，好香蒜蓉味，菜湯夠濃稠。菠菜三文魚意粉白酒忌廉，意粉食落好挺身，而且掛滿忌廉汁，帶微微白酒香。青蘋果提子梳打，呢個moctail 調左我喜歡嘅味道，提子嘅輕甜同青蘋果嘅微酸配合得好好，加上梳打，好清新嘅感覺。北海道cheese cake，濃郁嘅芝士味，係軟身蛋糕，加上薄薄餅底，食落唔會漏。