Ruby Tuesday (已結業)

今日過將軍澳搵朋友仔玩，玩飽梗係要食野啦～ 出嚟前見露比有得用$88買一個月半價pass, 即刻㩒咗先～ （但比晒錢先知要第二日先activate到張咭囉。。。。。。）同小朋友同行，一拎位即刻送咗2個鎖匙扣比小朋友們，大人得到幾分鐘安寧🤣🤣 出嚟食飯bb櫈很重要很重要！兒童餐都一樣！仲比埋蠟筆佢地畫畫㨂咗芝士長通粉比米豬大人就食呢啲朋友叫咗fish and chips, 我要咗7成熟burger好快已經有得食喇～ 先嚟咗兒童餐～ 芝士味好香～ 不過有啲熱，心急嘅小朋友要小心啊我的cheese burger塊漢堡扒煎到啱啱好，勁厚勁juicy, 包烤到好香脆，食到停唔到口～薯條脆卜卜，不停比米豬偷食囉。。。。朋友的fish and chips粉漿唔係太厚，但我個人認為份量小咗啲，不過朋友話啲魚好香，又有汁，都唔錯吧～另外加咗雞翼比小朋友們食，大家都食唔停口，好香bbq sauce味，但略嫌有點乾身跟lunch有得用一次salad bar同埋自助湯但記得有呢2樣野時我地已經勁飽了，所以就食咗小小咋埋咗單比晒錢先醒起兒童餐係有雪糕㗎！即刻叫埋先！好大杯。。。。。。。都係牛記雪糕，冇咩特別埋單