為食恐龍‧恐龍先生

營業中

休息中

提早食聖誕餐，睇食評唔錯，同小朋友睇完燈飾就嚟食。Book位的時候，職員已問有冇小朋友，我話有兩個，果然有準備，來到見到已放好兩張小朋友櫈連兩套小朋友餐具。店內有三分一店面都是放玩具、街機、小朋友書、boardgames。枱與枱之間好闊落，小朋友周圍跑唔會撞親。7個人食，食物種類不算多，肉類選擇較少，薄餅、意大利飯、意粉就各有幾種可以揀。嘢飲就比較多，有多種Fruit punch。食物味道算唔錯，質素似Pizza Hut咁差不多。尖沙咀親子餐廳嚟講，晚市不算貴，7個人包括2個小朋友人均120元。小朋友邊玩邊食，玩到唔想走。總括而言，係親子好去處。