渝味曉宇重慶老火鍋 (新城市廣場) (已結業)

終於考完試（比個囡更開心），溫得咁辛苦，考完真係要賀下佢，所以試後第一擊，就係校服未除就衝去嘆火鍋🍲😆！呢間 #渝味曉宇重慶老火鍋 想試好耐，之前都有擔心過小朋友 食唔到「辣」，但店員好貼心，我點嘅 #午巿二人套餐 用手機落單其中一款必定係麻辣鍋，她替我人手下單，咁就可以揀兩款唔辣嘅湯底👍🏻。我哋揀咗 #八珍菌湯 & #蕃茄湯，前者甜甜地好香菇味，後者係酸酸地嘅蕃茄味，烚吓呢邊又烚吓果邊，好爽。二人午巿套餐有：曉宇嫩牛肉、曉宇苕粉、稻田毛肚、手打蝦滑、鴨血、功夫萵筍片、午餐肉、珊瑚蚌和田園菜籃，種類幾多，全部都好新鮮。嫩牛肉好正，肉質柔軟，完全無筋！苕粉係第一次食，開初我倆都好奇這片透明如長間尺的是什麼，指示需要放鍋內5分鐘先食得，估唔到又煙韌又滑，好好味！功夫萵筍片 切得好薄，仲砌到成朵花咁，好靚！其他食材都幾好味😋！火鍋未到前會送上一碗 #雪耳糖水，食完火鍋又會有 #紅糖糍粑，第一次吃這種甜品，入口甜甜地，個面炸過咬落去脆脆地，內裏係日本年糕咁煙煙韌韌，我好鍾意❤️。仲有一點令我要讚好，就係呢度嘅女店員好nice，我囡突然倒瀉可樂，佢哋馬上幫忙，幸好條裙只係濕咗少少。服務同食物質素都