MONMONO (已結業)

最近突然好想食西餐，記得朋友介紹中環有間好好食嘅西班牙餐廳，所以特別去試下。今次去呢間餐廳叫做Monmono🤪 餐廳裝修同擺設都好靚好有感覺，仲好乾淨😍Tortilla de Patatas-西班牙傳統菜式，之前喺西班牙都食過，呢個同我喺西班牙食嘅味道係一模一樣！非常值得食！滿滿嘅材料包含住喺個蛋餅裏面，而且仲有沙律醬，每一啖都感受到廚師既用心，必嗌之選✅Dessert of the day-大愛朱古力雪糕！香滑幼細，口感夠奶滑，濃濃嘅朱古力味，回味無窮！西班牙油條甜度適中，份量剛好，使人心情舒暢，絕對值得一試！✅Green salad-份量不少，有車厘茄、火箭菜、沙律菜，加上芝麻藑沙律汁，好味到不能夠停手✅Pita Pizza -超級惹味pizza，餡料有蘑菇、松露、洋蔥、水牛芝士。每啖都拉岀幼滑既芝士絲，帶有濃烈既蘑菇、松露香氣，流哂口水呀✅食物好味又大件，又可以感受到西班牙既風味，係同朋友聚會傾偈既好地方✔️一定會一試再試！