影片
更多
2024-01-18
407 瀏覽
今次去食呢間位於油麻地嘅點心店，價錢幾抵，仲可以叫兩粒蝦餃、燒賣，一個人食都可以試多幾款點心～ 佢哋全日都供應點心，有時想飲夜茶，可以多個選擇啦！我哋食晚市叫咗6個點心加1個蒸飯，味道唔錯，加埋茶位$5，total只係$200左右，不用加一～🔸黑松露菜苗餃 $27比平時食開嘅菜苗餃細件少少，但蝦肉好多，餃皮唔厚，配搭黑松露食，唔錯！🔸醬皇金錢肚 $25金錢肚非常入味軟滑，有嚼勁又唔韌，牛肚底仲有蘿蔔粒，幾好味！🔸沙薑汁燴鮮淮山 $22用沙薑汁煮淮山，呢個配搭幾特別，淮山好粉，入口溶化，西芹爽脆！🔸金沙脆皮銀蘿腸 $28一客6件大大件，腸粉軟滑，脆皮包住蘿蔔絲，蘿蔔清甜，口感好豐富～ 推介試試！🔸沙律明蝦角 $28必食推介！食落有驚喜，蝦角非常脆卜卜，又唔覺好油膩，包住好多蝦肉，好鮮味！點少少沙律醬一齊食，正！係出色嘅炸物！🔸籠仔金銀蒜海鮮飯 $42籠仔飯幾吸引，又抵食！揀咗金銀蒜海蝦，蝦開邊鋪滿金銀蒜，都幾惹味！蝦唔算大隻，口感還好，唔夠爽，但味道唔錯～ 荷葉飯加點豉油撈，更滋味～🔸黑金流沙包 $25一客三件，size比平時食開嘅細少少，新鮮出爐熱辣辣！超級流沙好邪惡😂
今次去食呢間位於油麻地嘅點心店，價錢幾抵，仲可以叫兩粒蝦餃、燒賣，一個人食都可以試多幾款點心～ 佢哋全日都供應點心，有時想飲夜茶，可以多個選擇啦！我哋食晚市叫咗6個點心加1個蒸飯，味道唔錯，加埋茶位$5，total只係$200左右，不用加一～
🔸黑松露菜苗餃 $27比平時食開嘅菜苗餃細件少少，但蝦肉好多，餃皮唔厚，配搭黑松露食，唔錯！
🔸醬皇金錢肚 $25金錢肚非常入味軟滑，有嚼勁又唔韌，牛肚底仲有蘿蔔粒，幾好味！
🔸沙薑汁燴鮮淮山 $22用沙薑汁煮淮山，呢個配搭幾特別，淮山好粉，入口溶化，西芹爽脆！
🔸金沙脆皮銀蘿腸 $28一客6件大大件，腸粉軟滑，脆皮包住蘿蔔絲，蘿蔔清甜，口感好豐富～ 推介試試！
🔸沙律明蝦角 $28必食推介！食落有驚喜，蝦角非常脆卜卜，又唔覺好油膩，包住好多蝦肉，好鮮味！點少少沙律醬一齊食，正！係出色嘅炸物！
🔸籠仔金銀蒜海鮮飯 $42籠仔飯幾吸引，又抵食！揀咗金銀蒜海蝦，蝦開邊鋪滿金銀蒜，都幾惹味！蝦唔算大隻，口感還好，唔夠爽，但味道唔錯～ 荷葉飯加點豉油撈，更滋味～
🔸黑金流沙包 $25一客三件，size比平時食開嘅細少少，新鮮出爐熱辣辣！超級流沙好邪惡😂
張貼
