橫濱日本料理 (已結業)

Shopping對女人既吸引力真係唔可以低估…星期六晏就入左沙田血拼，買買買買買買買…咁就天黑~重點係成日無食過LUNCH!!當血拼完先感覺到其實係好肚餓，於是決定食放題補番晏就果餐!!食物既款式有成十種咁多，都算多元化呀!因為餓到飯傻左，所以一黎就狂點刺身食，食番夠本先!三文魚既幾有魚油香味，一d都唔腥，正!雖然一向愛吃三文魚，但餐廳既八爪魚刺身十分出色，爽口鮮甜，不得不encore呀!軍艦壽司都十分吸引，壽司飯帶有小小醋香味，但又唔會太多壽司飯，唔會食飯食飽左!紫菜入口脆卜卜，好明顯係即叫即整，夠哂新鮮呀!!!蟹籽手卷正常水準，唔會有腥味，唯一缺點就係蟹籽份量唔夠多!!天婦羅上枱時仲十分熱，入口外層炸漿十分香脆，炸漿唔厚又唔會太多油份，整理炸物水準不俗!熟食既海鮮都有好多選擇，有青口、有魷魚、有蜆等等...中意食辣既朋友必試地獄鍋燒大蜆&辛辣魷魚蜆肉雖然細粒左D，但勝左味道加分，蜆肉非常入味，辣得非常爽!辛辣魷魚爽口又唔靱，炒得非常香，好有西貢海鮮大排檔既風味!個人黎講就認為串燒較為遜色，串燒加得太多調味，味道偏鹹，蓋過左食材本身既味道!但燒虎蝦係OK的，虎蝦夠哂新鮮，肉質爽口彈牙