Marco's buffet (已結業)

報紙有coupon買六送一，十送二，仲有七折，平到咁，即刻同屋企人黎試下先。雖然話係荃灣酒店，但其實位置在葵涌，地點都唔難去，撘小巴或巴士就到。咁平嘅價位，都唔會期望有咩驚喜野啦，入到場，地方唔大，但熟食，沙律，甜品都有，基本上都好豐富了。食到中途會有特別野推出，有薑蔥炒蟹，芝士焗蠔咁，雖然人多難免有搶食感覺，但其實比啲耐性，食物係不停咁出嘅，第一輪食唔到都有下一轉。百零蚊有自助餐食算係咁，長者同小朋友仲有半價，堅抵食，當係黎同屋企人見識下都抵，哈哈哈哈！