1523 釗級廚房 (已結業)

好耐無係元朗搵食，原來又開左甘多餐廳了，甘岩同朋友相約元朗就揀左依間釗級廚房，佢地既lunch都好抵食又幾多選擇。假日午餐時間人流都幾多，不斷一枱接一枱。加配套餐有蘑菇湯及蒜蓉包湯好濃郁又有菇粒，不比大餐廳遜色。蒜蓉包烘得外面薄脆，面頭蒜蓉都好多，麵包夠軟身！而我地點既肉眼扒用上紅酒汁，都幾大塊，肉質比較淋身，幾入味！側邊有薯蓉，食完真係好飽！仲有翠玉瓜，煎得剛好但就太油了，好邪惡！朋友就點左牛肋條，一樣係紅酒汁，薯蓉可以轉薯菜。整體都覺得幾抵食，而最驚喜就係餐湯同蒜蓉包。