影片
更多
2023-02-21
122 瀏覽
放學時候都六七點， 本身打算食頹飯番去， 但係佐敦果到搵到間價廉物美既點心店，媲美添好運既質素，但係價錢就再平啲。茶介每人$3 蚊仲要唔洗服務費，埋單每人$75 左右。⭐黑金流沙包（$25）⭐最吸精既莫過於呢款黑金流沙包，一籠三件嬌滴滴。 一打開， 裡面係熱得燙嘴又滑溜溜既奶黃餡。 味道唔錯，我仲推薦左隔離枱既菲律賓夫婦叫添😅⭐原隻蝦燒賣（$30/4 粒）⭐超彈牙既蝦仁， 裡面豬肉餡超入味。 $30 蚊一籠四粒抵到爛。⭐金沙脆皮銀蘿腸（$28）⭐個名聽落巴閉， 其實係炸兩。 味道都唔錯， 皮薄嫩滑，裡面既油炸鬼夠脆，又有清甜蘿蔔，口感豐富。仲有附送芥蘭菜，解解膩。⭐燒汁釀虎皮椒（$24）⭐不嬲都中意食椒， 唔同顏色好搶眼，燒汁幾香，中意芫茜味。⭐五香鹹水角（$20）⭐五香味道唔係太食得出。 個底有點油膩，出晒油。不過勝在夠脆同夠熱辣辣。
放學時候都六七點， 本身打算食頹飯番去， 但係佐敦果到搵到間價廉物美既點心店，媲美添好運既質素，但係價錢就再平啲。茶介每人$3 蚊仲要唔洗服務費，埋單每人$75 左右。
⭐黑金流沙包（$25）⭐
最吸精既莫過於呢款黑金流沙包，一籠三件嬌滴滴。 一打開， 裡面係熱得燙嘴又滑溜溜既奶黃餡。 味道唔錯，我仲推薦左隔離枱既菲律賓夫婦叫添😅
⭐原隻蝦燒賣（$30/4 粒）⭐
超彈牙既蝦仁， 裡面豬肉餡超入味。 $30 蚊一籠四粒抵到爛。
⭐金沙脆皮銀蘿腸（$28）⭐
個名聽落巴閉， 其實係炸兩。 味道都唔錯， 皮薄嫩滑，裡面既油炸鬼夠脆，又有清甜蘿蔔，口感豐富。仲有附送芥蘭菜，解解膩。
⭐燒汁釀虎皮椒（$24）⭐
不嬲都中意食椒， 唔同顏色好搶眼，燒汁幾香，中意芫茜味。
⭐五香鹹水角（$20）⭐
五香味道唔係太食得出。 個底有點油膩，出晒油。不過勝在夠脆同夠熱辣辣。
張貼
