鐵板神燒 (已結業)

屋企樓下地舖圍板都有一段時間，近日終於拆板開始營運，原來係鐵板燒餐廳！20:30去到餐廳見好多食客堵塞係門口，原來餐廳採用自助售票點餐系統，食客們需先排隊付款點餐，及後將收據交給鐵板燒師傅，師傅就會即場為你烹煮！我們被安排座位後分別點了$70泡菜豚肉及$50蜜糖雞扒餐，套餐包括白飯、配菜(芽菜及椰菜)，另有紅茶及湯免費供應！鐵板燒師傅先給我們每人一碗白飯，並分發配菜在我們面前的錫紙上，但芽菜只剩下少量，所以鐵板燒師傅改為給我們萵筍！椰菜預先炒好，所以不夠熱，但幾惹味，而萵筍因為即炒，所以味道及熱度都足夠；雞扒的蜜糖過多，所以比較甜，但味道香脆，而泡菜豚肉加了芝士，所以另一半就非常喜歡！餐廳價格親民，味道不過不失，以茶餐廳價錢享用鐵板燒，絕對吸引！值得一提是座位以高身鐵板燒吧枱設計，而枱下沒有掛鉤或層架可置隨身物，以致進食時攬住隨身物比較不便！