可樂士多

營業中

休息中

每次去大浪灣滑浪都必定幫襯嘅小店。一去到，喺可樂租塊板就落海玩，滑到攰上去食個飯補充體力再玩過，完咗仲可以買條雪條食住走。非常親民嘅價錢，加上老闆嘅人情味，係一間可以令你無憂無慮喺海灘享受一天嘅人情味小店。食物大概有午餐類（炒飯面、雙併飯、湯面）、同下午茶兩種。我自己最鍾意食雙併豬扒雞翼飯，夠大份又好味，佢嘅辣醬亦都非常惹味，食飯類時候可以試下落啲。如果想食得輕盈啲，下午茶嘅油脾都係十分好嘅選擇。最緊要係價錢非常平，一碟飯$30-$40，而且份量十分足夠，唔洗怕去到石澳就預咗一定要比好貴先醫到肚。