夜館 (已結業)

新開無耐已經食完一次又一次，食物價錢唔貴，質素好好，最開心見到定食有橙食，比較少見咁。而餐廳座位唔多，十幾個左右，但坐得舒服唔迫，一入去直望放左好多日本酒。 和風玉子牛肉丼 $68流心蛋，即刻令成個飯又香又滑。牛肉同洋蔥煮得好入味，仲帶有小小甜味。今次個前菜係牛尾，肉好淋好濃味。最驚喜係有半個橙食，橙已切開四小舊方便食。 十勝豚丼 $58豚丼更為勝一籌，都有六七塊，每塊都煎香左，味道更濃。第二次再黎除左定食，仲叫左少少串燒食，都係有水準，好滿意。 豚肉生薑燒 $58生薑味好濃，但唔會好似中式個D有陣薑辣味，豚肉簿片吸哂汁，醬汁味夠。呢個餐就跟沙律配柚子汁。 鹽燒牛舌 $38有咬口，唔會好韌，愈咬愈香，配埋用水果調嘅汁，食落甜甜地。燒茄子 $28唔係一條過上枱，而燒好切成一粒粒，唔會好乾，面上搽嘅醬油咸味岩岩好，再配木魚乾更香。 特式釀雞翼 $76先將雞翼去剩一條骨，再將醃好嘅雞肉釀落去，令到成隻味道分佈平均又入味。House Sake (180ml) $68清清地好易入口，唔會嗆喉，女仔好岩飲。