影片
更多
2022-06-07
13 瀏覽
同朋友喺電影中心睇夜場之前，喺附近搵咗間串燒舖食嘢，見到openrice上面嘅menu係平民價，所以揀咗呢間。入到去有4張枱，空間比起一般串燒居酒屋寬敞，枱夠大，可以放好多碟串燒。入去嘅時候老細同侍應都好好服務，主動問我哋有咩需要，出餐都好快，用QR code落完單唔使10分鐘啲嘢食就嚟齊晒，但全部都係新鮮出爐，抵讚！我哋嗌咗10個串燒，1碟吉列炸生蠔，1個玉子燒。玉子燒58蚊有6件，性價比幾高，食落都飽肚，唔會好似平時食串燒食到貴一貴都唔飽嘅感覺，配上酸酸喊喊嘅柚子汁，令到玉子燒唔係淨係蛋咁簡單，個配搭幾新鮮。吉列炸生蠔3件38蚊，食物質素超過咗個價錢嘅expectation。一上枱時係feel到係即炸的，食落去啲炸粉好脆，入面嘅蠔好有鮮味，爭啲熱親個咀，建議攤陣先先食，推薦！串燒方面，牛舌芯（$38）有3件，肉幾厚身，咬落去嘅韌度適中。免治雞肉棒三色套餐（$68）有汁燒、明太子醬同蘿蔔蓉酸汁各一，肉質比想像中實，好似食緊漢堡肉咁，要飽肚啲可以食呢個。最後人均200左右，串燒店嚟講都ok啦～
我哋嗌咗10個串燒，1碟吉列炸生蠔，1個玉子燒。玉子燒58蚊有6件，性價比幾高，食落都飽肚，唔會好似平時食串燒食到貴一貴都唔飽嘅感覺，配上酸酸喊喊嘅柚子汁，令到玉子燒唔係淨係蛋咁簡單，個配搭幾新鮮。
吉列炸生蠔3件38蚊，食物質素超過咗個價錢嘅expectation。一上枱時係feel到係即炸的，食落去啲炸粉好脆，入面嘅蠔好有鮮味，爭啲熱親個咀，建議攤陣先先食，推薦！
串燒方面，牛舌芯（$38）有3件，肉幾厚身，咬落去嘅韌度適中。免治雞肉棒三色套餐（$68）有汁燒、明太子醬同蘿蔔蓉酸汁各一，肉質比想像中實，好似食緊漢堡肉咁，要飽肚啲可以食呢個。
最後人均200左右，串燒店嚟講都ok啦～
張貼
