漁初·魚丼 (已結業)

放工去完Gel甲之後揾下附近有咩食，見到長沙灣有間日式小店，有海鮮丼飯🍱有串燒🍢有刺身🍣決定去試試。海鮮丼飯 $138(火炙鰈魚邊、磯煮鮑魚、吞拿魚腩蓉、玉子燒)————————————海鮮丼飯有非常多組合可以揀，我個人好喜歡火炙鰈魚邊，油香逼晒出嚟好正！吞拿魚腩蓉可以撈匀食令個飯每啖入口更加豐富，餐廳亦另外送上自家製嘅鮑魚汁，非常濃郁。另外亦可根據個人口味加上豉油、芥末。刺身————————————點咗三款刺身，分別係三文魚、油甘魚、劍魚腩。三款都係入口油脂豐富又新鮮，好滿足呀！串燒————————————點咗幾款串燒，牛舌心燒得好正呀，面層灑上鹽，非常入味，口感脆彈、有嚼勁。另外雞皮燒得脆脆地，好香口！自家製免治雞肉丸有成三大粒！外層有微微烤焦嘅感覺，入口更香。配上蛋黃同埋特製嘅醬油，入口更加順滑。