影片
更多
2018-11-16
83 瀏覽
之前黎食過一次龍蝦喇沙，食完明白點解咁多人等位，因為係好岩香港人口味既星馬泰菜，價錢又親民，所以決定同屋企人再黎食多次，人多就可以食多幾款！無⻣海南雞（一隻）$168人多所以叫一隻，唔知係咪太肚餓，第一道菜總係特別好食，雞肉超嫩滑，雞胸都一樣好食，份量足，個個讚口不絕，不過我覺得作為靈魂既醬汁就少左啲足爆版喇沙$188今次人多可以食巨型版喇沙，真係份量十足，喇沙湯用湯壺另上非常貼心，慢慢食都唔怕麵條發脹，湯底係有d辣度，唔食得辣既人可能會食到出汗，對我黎講就岩岩好！好惹味！牛⻣湯河$62湯底有好濃郁既牛味，食完粉可以飲埋個湯，配料有牛丸牛栢葉同埋唔同部位既牛肉，都幾豐富馬來蜜汁炭燒厚切豬扒撈檬$66蜜汁豬扒好香口，厚切啖啖肉小食拼盤（蝦餅，串燒，雞翼，春卷，鳳爪）$148不過不失，穩穩陣陣冇特別大驚喜，最特別係每叫一份小食拼盤，餐廳會捐$10俾慈善機構，覺得餐廳好有心，做生意之餘不忘回饋社會無⻣酸辣鳳爪沙律$62淨食鳳爪會唔夠酸，連埋配菜食就岩岩夠味軟殼蟹米紙卷$66我食開既米紙卷係用青瓜紅蘿蔔呢類比較fresh既蔬菜做餡料，但呢度用左青椒黃椒...味道太搶，蓋過本來已經唔濃味既軟殼蟹
無⻣海南雞（一隻）$168
人多所以叫一隻，唔知係咪太肚餓，第一道菜總係特別好食，雞肉超嫩滑，雞胸都一樣好食，份量足，個個讚口不絕，不過我覺得作為靈魂既醬汁就少左啲
足爆版喇沙$188
今次人多可以食巨型版喇沙，真係份量十足，喇沙湯用湯壺另上非常貼心，慢慢食都唔怕麵條發脹，湯底係有d辣度，唔食得辣既人可能會食到出汗，對我黎講就岩岩好！好惹味！
牛⻣湯河$62
湯底有好濃郁既牛味，食完粉可以飲埋個湯，配料有牛丸牛栢葉同埋唔同部位既牛肉，都幾豐富
馬來蜜汁炭燒厚切豬扒撈檬$66蜜汁豬扒好香口，厚切啖啖肉
小食拼盤（蝦餅，串燒，雞翼，春卷，鳳爪）$148不過不失，穩穩陣陣冇特別大驚喜，最特別係每叫一份小食拼盤，餐廳會捐$10俾慈善機構，覺得餐廳好有心，做生意之餘不忘回饋社會
無⻣酸辣鳳爪沙律$62淨食鳳爪會唔夠酸，連埋配菜食就岩岩夠味
軟殼蟹米紙卷$66我食開既米紙卷係用青瓜紅蘿蔔呢類比較fresh既蔬菜做餡料，但呢度用左青椒黃椒...味道太搶，蓋過本來已經唔濃味既軟殼蟹，可能先入為主所以係失望既，對於鍾意食椒既朋友或者會好岩口味
香芒椰汁糯米飯$48見到個拖鞋飯造型真係笑左！仲將糯米飯握成壽司，方便多人share賣相又精緻，不得不讚廚師既心思同創意！芒果夠甜，同埋鍾意勁多椰漿！
張貼
