Hunger Strike (般咸道) (已結業)

今日去西營盤做野，經過Hunger Strike ，諗住順便食埋lunch 先返屋企。餐廳坐位唔多，見到顧客係外賣為主。餐廳有9個套餐可以揀，每個套餐都包左白飯、雜菜同湯，價錢唔算貴。我同朋友分別叫左個青咖喱雞飯同泰式烤牛肉飯。青咖喱雞飯 - 青咖喱味道唔算話好辣，送飯一流，最啱唔太食得辣但又鍾意食咖哩嘅朋友，雞肉唔錯，食落都幾嫩滑。飯的份量很多, 如果係女仔的話應該夠兩個人食。泰式烤牛肉飯 - 牛肉肉質唔錯，份量比想像中多，醬汁香濃惹味。